Mañá en Riazor xoga o Deportivo co Fuenlabrada. Partido declarado de alto risco. Igual neste caso é polo risco de contaxio.

En Abegondo compaxionouse esta mañá o día de adestramento con máis probas PCR, ata o momento, todas negativas. Por aí estaban xogadores que aínda non se someteran, o adestrador Fernando Vázquez e varios membros do consello de administracion con presidente Fernando Vidal á cabeza. Mañá en Riazor hai cen persoas e todas teñen que pasalas.

E logo, a adestrarse. Vázquez tiña dezaseis futbolistas, dous grupos de oito. Un adestramento sen tensión, con pouco balón, con pouca motivación. E con Álex Bergantiños no centro das olladas. Lista de convocados, once profesionais e cinco xogadores do filial. Fernando Vázquez cre que o partido é un paripé, pero que o Deportivo o vai tomar con seriedade.