O Xulgado número 1 de Lugo finaliza a investigación da peza principal da operación Pokemon. Faino con trece acusados. O principal é o expresidente da Confederación Hidrográfica Miño-Sil e exconcelleiro socialista de Lugo Francisco Fernández Liñares.

Canda el, varios familiares e empresarios. O instrutor considera que Liñares favoreceu a empresa Cechalva na adxudicación do servizo do guindastre municipal, polo que recibiría 110.000 euros en pagamentos mensuais de 2.000.