Un inspector da Policía Nacional resultou ferido de gravidade esta madrugada cando o condutor dun vehículo todoterreo cargado cun alixo de haxix arremeteu contra o seu coche patrulla ao ser sorprendido pola presenza policial en Alxeciras.

O turismo de alta gama, un BMW X5, roubado en Marbella, levaba un alixo de 16 fardos de haxix procedente de Punta Carnero. Na estrada dos Pastores, xa en Alxeciras, unha patrulla da Policía Nacional saíulle ao paso para interceptalo, momento en que o suposto narco arremeteu contra o coche policíal e o fixo envorcar.

O axente ferido, coordinador de servizos da Policía Nacional, precisou ser trasladado en helicóptero ata o hospital Virgen del Rocío de Sevilla, onde está ingresado grave e pode que perda un brazo. O seu compañeiro, un axente en prácticas, sufriu contusións leves e xa recibiu a alta. O condutor do todoterreo implicado foi detido.