Na Coruña, un condutor de 31 anos quedou ferido moi grave esta madrugada nun accidente rexistrado na avenida de Alfonso Molina, a principal arteria de entrada e saída da cidade herculina. O home perdeu o control do vehículo, saíu despedido e quedou atrapado debaixo. Tivo que ser liberado polos bombeiros e trasladado ao hospital, onde permanece ingresado na UCI con traumatismo cranioencefálico severo e diversos golpes e contusións.