Os clientes dunha céntrica terraza ourensá levaron un gran susto tras caer un home que se precipitara desde unha ventá. O suceso tivo lugar a primeira hora da tarde na rúa do Paseo.

Unha parella estaba a tomar algo nunha terraza cando lle caeu enriba un home duns 30 anos que se precipitou dende o balcón do primeiro andar dun edificio. O parasol baixo o que estaban freou a caída e evitou consecuencias peores.

A muller chegou a esvaecerse do susto e foi a traballadora dunha farmacia próxima a primeira en atendela, antes de que fora trasladada a un centro médico. Os seus compañeiros comentan que el caeu enriba do parasol e que despois estivo como facendo uns cantos en inglés.

Sospeitan que o home estaba baixo os efectos de substancias estupefacientes. A Policía Nacional investiga o acontecido.