As letras galegas son o motivo deste día festivo, e para celebralo con libros, dez establecementos de Pontevedra organizaron unha feira na rúa con sinaturas de autores como Ledicia Costas e Pedro Feijoo.

Pontevedra vive o día das letras na rúa e a praza da Ferraría é o seu escaparate.

A iniciativa dos libreiros pontevedreses proporciona, ademais, un punto de encontro entre as autoras e as súas lectoras.

E como aliciente, Ledicia Costas, Premio Nacional de Literatura, e Arantza Portabales, estrean cadansúa novela negra.

Pedro Feijóo e Iria Collazo son outros creadores convidados a esta festa de libros na rúa que tamén é unha oportunidade para coñecer o autor homenaxeado este ano, Antonio Fraguas.