2.000 directivos sanitarios de toda España comparten en Santiago experiencias innovadoras para facer os hospitais máis eficaces e sustentables.

Na inauguración deste congreso nacional estiveron a presidenta do Congreso dos Deputados e o presidente da Xunta. Alberto Núñez Feijóo defendeu que España e Galicia teñen a mellor sanidade da historia, pero que cómpren melloras para facer o sistema sustentable, con máis profesionais, mellor organización e un novo sistema de financiamento.