Un home faleceu ao sufrir un corte coa motoserra que manexaba nuns terreos da súa propiedade na parroquia de Aldán, en Cangas do Morrazo. Segundo informou este venres o CIAE 112 Galicia, os feitos ocorreron sobre as 12:00 horas, cando un familiar do home pediu asistencia médica urxente para o home.

Tras recibir o aviso, o 112 solicitou a intervención do persoal de Urxencias Sanitarias de Galicia-061 que, a pesar dos esforzos, nada puido facer para salvarlle a vida. Co fin de aclarar as circunstancias do suceso, o 112 Galicia informou da situación aos axentes da Garda Civil e da Policía Local. Ademais, informouse os bombeiros do Morrazo e aos membros de Protección Civil da localidade.