Un home faleceu este luns tras quedar atrapado baixo o tractor que manexaba en Pedrafita do Cebreiro. A vítima atopábase manexando o vehículo agrícola no lugar de Barxamaior. Nun momento dado, o tractor envorcou e o condutor quedou atrapado debaixo da maquinaria. O 112 recibiu o aviso sobre as 16:20 horas por parte do 061, que, a pesar dos esforzos do persoal sanitario, nada puido facer por salvarlle a vida.

Doutra banda, o servizo de Emerxencias informou do ocorrido aos Bombeiros de Sarria, aos membros do GES de Becerreá e á Garda Civil.