Un home morreu esta mañá despois de ser alcanzado por un tren no Porriño. Sucedeu no tramo da liña férrea que vai da saída do Porriño ata As Gándaras. A circulación de convois permanece interrompida nesta zona mentres dure a intervención dos servizos de emerxencia desprazados.

Segundo a información facilitada ao 112 Galicia polos Bombeiros do Porriño, o corpo sen vida do varón atopábase accesible, polo que descartaron empregar o material de excarceración para liberalo.

Foi sobre as 12:00 da mañá cando o 112 Galicia tivo coñecemento dos feitos a través de Adif e solicitouse a intervención de Urxencias Sanitarias de Galicia-061, dos bombeiros da localidade, de Protección Civil e dos axentes da Garda Civil e da Policía Local, que tratan de esclarecer as circunstancias deste suceso.