Contra o Valencia xogou por primeira vez como titular no Celta. Seguramente non se deu o partido ideal para que Facundo Ferreyra explotara as súas cualidades como dianteiro centro.

Facundo: "Gústame rematar centros, balóns que queden, tirar diagonais.... marcar goles. É difícil, pero tratamos de facelo".

Facundo Ferreyra non puido ter mellor estrea: o gol do empate no Metropolitano contra o Atlético de Madrid. Quere volver sentirse protagonista e cre que no Celta de Coudet pode conseguilo.

Facundo: "Súmase que é un adestrador arxentino e transmíteme esa confianza. Ogallá volva sentirme importante e axude o Celta".

Facundo foi o xogador sacrificado coa expulsión de Rubén Blanco. O Celta presentará un recurso. Non é doado que os comités rearbitren accións consultadas co VAR pero este mesmo mes Apelación retirou un cartón amarelo amosado tras o visionado da xogada nun Osasuna-Granada.

Ademais de Rubén Blanco, o Celta perde a Nolito para o partido do domingo contra o Valladolid, ao recibir en Valencia o quinto cartón do ciclo.