Facebook anunciou este venres que veta por dous anos ao expresidente dos Estados Unidos Donald Trump (2017-2021), despois de que o seu consello asesor pedira o mes pasado á empresa que revisase a prohibición indefinida contra o exmandatario. A compañía anunciou nun comunicado que suspende as contas do Trump por dous anos contando desde o 7 de xaneiro. As contas de Trump en Facebook e Instagram (propiedade da compañía) permanecen pechadas desde o asalto ao Capitolio do pasado 6 de xaneiro por parte de miles de simpatizantes do expresidente, algúns deles armados, e que rematou con cinco mortos.