Últimas horas para poder acollerse ao Plan Renove de axuda á compra de vehículos. O Ministerio de Industria non vai prorrogalo polo que remata este xoves, 31 de decembro. O programa aínda dispón de máis de 200 millóns de euros sen adxudicar.

Ata o momento, só se solicitou un 15 % do seu orzamento total. Aprobado no mes de xullo, tiña como obxectivo impulsar a demanda de vehículos, paralizada polo confinamento, e activar a produción nas fábricas españolas de automoción.