Estáfanlle a un veciño de Guitiriz máis de 11.000 euros pola compra de varios tractores a través de Internet. O home contactou cunha empresa estranxeira que na súa páxina web tiña á venda os supostos vehículos agrícolas. Tras varias xestións telefónicas cos estafadores, o home ingresoulles os cartos nunha conta bancaria. Tras aboar os 11.000 euros, non volveu saber nada dos vendedores e nunca recibiu os vehículos agrícolas.