Durante o confinamento e a desescalada os programas da Televisión de Galicia estiveron aquí, con todos nós, dando o mellor deles, pese ás circunstancias en que todos viviamos, moitas veces coa axuda das novas tecnoloxías. Pero esta semana todo vai cambiar.

Roberto Vilar: "Pero que me estás contando José Manuel? Que esta semana volve o público a Land Rober"

Pois así é, esta mesma noite, xa poderemos ver 40 persoas nas bancadas do Land Rober, iso si, cumprindo con todas as normativas sanitarias. Pero Land Rober non será o único programa con público.

Xosé Ramón Gayoso: "E volve o público, poucos pero serán moi importante para sentir o latexar da vida dentro do plató de Luar".

Iso, o venres, no Luar con 23 persoas e a volta dos Recanteiros. E o sábado volve Bamboleo con novos programas.

Xosé Manuel Piñeiro: "Coa ITV do amor, coa Ghrileira, con orquestras, con baile, con risas, co noso equipo, pero, sobre todo, con todas e todos vostedes".

E así, pouco a pouco, igual ca todos vós, a Televisión de Galicia e os seus programas intentan volver á normalidade. Non os perdades.