España levanta as últimas corentenas e abre o país a todos os viaxeiros. Sanidade non prorrogará a orde ministerial que impoñía unha corentena obrigatoria de dez días aos viaxeiros procedentes da Arxentina, Bolivia, O Brasil, Colombia, Namibia e Suráfrica.

Quedan como únicas restricións traer o certificado covid, unha proba negativa tipo PCR ou test de antíxenos ou un certificado de que se pasou a enfermidade.

Neste momento as vacinas autorizadas para entrar en España son Pfizer, Moderna, AstraZeneca, Jansen, Sinovac e Sinopharm, pero non a rusa Sputnik.