As imaxes difundidas polo ministerio de Defensa dan idea da situación nas inmediacións do aeroporto de Cabul, con máis violencia cada día.

Os soldados españois berran o nome de España para identificar e reunir as persoas que hai que repatriar, ás que guían para que poidan chegar ao avión. A algúns mesmo os levan nos brazos. Defensa di que o exército está facendo todo o posible e que aínda así será difícil poder evacuar todos os colaboradores.

"Hai tiros, hai xente que tivo volver ás súas casas, os nenos non poden máis", relata a ministra Margarita Robles. 

Ademais, non teñen marxe de actuación fóra de Cabul.

Cifran en máis de mil as persoas evacuadas ata o momento. E máis de 600 pediron xa asilo en España. Unhas peticións que se van tramitar coa máxima urgencia, segundo prometeu o ministro do Interior na recepción dun novo avión en Torrexón con 290 persoas, 120 menores.