A taxa de paro nos países da OCDE baixou ao 6,5 por cento o pasado mes de marzo, unha décima menos que a rexistrada en febreiro, pero aínda lonxe dos niveis anteriores á pandemia.

España, cun 15,3%, volve situarse entre os países cun maior nivel de desemprego, tan só superado por Grecia. E lidera ademais os datos de paro entre os menores de 25 anos.

No mes de marzo, un total de 42,6 millóns de persoas da OCDE estaban en situación de desemprego.