España alcanzou os 1.005.295 contaxios de covid−19 desde que comezou a pandemia, 6.114 dos cales se rexistraron nas últimas 24 horas, segundo o informe publicado este mércores polo Ministerio de Sanidade.

Respecto aos falecidos por covid−19, o departamento que dirixe Salvador Illa notificou hoxe 156 máis, 575 na última semana.

Isto fai que a cifra global de mortos por coronavirus en España se eleve ás 34.366 persoas.

Actualmente hai 13.698 pacientes ingresados polo virus en toda España e 1.930 en UCI, aínda que, nas últimas 24 horas producíronse 1.860 ingresos e 1.435 altas.

A taxa de ocupación de camas por coronavirus sitúase xa no 11,51 %, e na UCI está no 21,48 %.