Asaltan de madrugada unha empresa no polígono lugués das Gándaras cando no seu interior había dúas empregadas.

Os ladróns esnafraron o coche, que tamén era roubado, contra a fachada do negocio. Isto foi o que alertou as empregadas, que se esconderon e avisaron a policía.

Os ladróns ían armados con coitelos. O dono da empresa visualizou todo o ocorrido a través do seu móbil, que o ten conectado ás alarmas da nave. O coche en que fuxiron os ladróns apareceu horas despois queimado no concello de Guntín.