Non haberá grandes novidades en Huesca. Fran Escribá aposta polo bloque da última xornada. Quedan en Vigo o central Araújo, Pione Sisto, Jensen e Hulsager. Viaxa Emre Mor que seguramente deixará conectada a alarma do seu domicilio antes de marchar. O Celta está na procura de sumar como mínimo sete puntos en tres partidos. Huesca e Real Sociedade completan esta semana que dá a posibilidade de saír do descenso e afrontar o final de liga doutro xeito.