CRTVG

Buscar

ERC non descarta gobernar en solitario se non logra un acordo con Junts e os comúns

Publicado o 16/02/2021 21:09

O gañador das eleccións, Salvador Illa, xa contactou con todos menos co líder de Vox. Nos próximos días iniciará unha rolda de conversas presenciais. Anunciaralles que presentará a súa candidatura a presidir a Generalitat coa intención de encabezar un executivo de esquerdas. Necesita, para iso, sumar a Esquerra Republicana, que non recolle o guante. Aragonés tamén presentará a súa candidatura a liderar un goberno independentista ou mesmo en solitario.

"Esquerra Republicana está preparada para, chegado o acaso, gobernar en solitario, pero non queremos", asegura Aragonés.

Esquerra republicana pretende sumar os Comúns, unha estratexia que Junts per Cat non están dispostos a aceptar.

"Nós queremos unha maioría independentista e que quen goberne teña unha maioría idependentista", di Jordi Sanchez, secretario xeral de Junts per Cataluña.

A terceira forza independentista, a CUP, xa non descarta ningún escenario e amosouse disposta a formar parte do goberno, coas catro condicións que detalla.

Mireia Vehí: "Referendo, fin da represión, plan de choque e rescate social e transición ecolóxica".

Se as negociacións avanzan, a investidura podería ser a finais de marzo.

Noticias web

16/02/2021