CRTVG

Buscar

En xullo volven as viaxes en globo na Ribeira Sacra

Publicado o 15/06/2020 13:59

No ceo da Ribeira Sacra poderán verse de novo os coloridos globos aerostáticos que permiten desfrutar dun xeito único da visión dos viñedos que medran a carón dos ríos Miño e Sil, a harmoniosa vexetación dos seus montes e os templos románicos que lle dan nome e sona á zona.

Será o próximo mes, en xullo, aínda que a data para os primeiros voos está pendente de ser confirmada pola empresa madrileña que vai xestionar esta oferta turística. A intención, en principio, é programar voos todos os dias. A duración da experiencia no aire é dunha hora.

Outro xeito de gozar da Ribeira Sacra é dende a auga. Os catamaráns que navegan polo Miño e o Sil reactiváronse este sábado. Había ganas de conectar coa natureza.

De momento, e como medida de prevención, a acollida das embarcacións non pode superar o cincuenta por cento.

 

Noticias web

15/06/2020