Verín está inmerso xa no seu Festival Internacional de Curtas, que chega á súa sexta edición.
O auditorio da localidade acollerá ata o próximo domingo a proxección de 26 curtas dunha ducia de países diferentes. Pezas que, por vez primeira na historia do festival, poderán seguirse a través de internet.

O programa complétase con outras actividades paralelas e a proxección de documentais que moi raras veces se exhiben nos circuitos convencionais.