A Dirección Xeral de Saúde Pública da Consellería de Sanidade informou na última actualización de datos de que o número de casos activos de coronavirus en Galicia é de 180, dous máis que os notificados onte martes.

Do total de persoas infectadas por covid-19 en Galicia, 37 son da área da Coruña, 98 da de Lugo, cinco da de Ourense, nove da área de Pontevedra, 20 da de Vigo, 11 da de Santiago e ningunha da de Ferrol.

Canto aos pacientes positivos, sete están en unidades de hospitalización e 172 no domicilio; non hai ningún en UCI. Ademais nas últimas horas recibiron a alta 15 persoas.

Ata agora, en Galicia hai un total de 11.131 persoas curadas e rexistráronse 619 falecementos.

O número de probas PCR realizadas para detectar infección por coronavirus é de 236.787.

Na xornada de onte non se rexistraron falecementos en centros residenciais.