Euskadi xa fixo esa reunión, e os partidos dan por feito que as eleccións serán en xullo, o 12 ou o 19.
O lehendakari levou tres informes que avalan esa proposta. Un é sanitario, e apunta a un posible rebrote do virus en setembro. Outro é de seguridade, e inclúe medidas para que os comicios se celebren sen riscos. E o terceiro, xurídico, insta a convocar as eleccións antes de que remate a lexislatura.

Neste caso hai consenso para celebrar as eleccións en xullo entre o PNV e os socialistas vascos. Os máis críticos son Podemos e Bildu.