O portavoz nacional de Cs, Edmundo Bal, foi elixido nas primarias da formación laranxa como candidato ás eleccións do 4 de maio na Comunidad de Madrid, co voto do 89,43 % dos afiliados do partido. Así o indicaron fontes do partido, ante unhas primarias ás que renunciou a presentarse a semana pasada o exvicepresidente rexional, Ignacio Aguado.

Bal gañou estas primarias cunha ampla maioría, xa que os seguintes candidatos máis votados foron Mercedes Nuño (2,59 %) e Carlos Álvarez de Toledo (2,43 %). A través da rede social Twitter, o candidato de Cs ás eleccións madrileñas amosou o seu agradecemento aos afiliados por "tanta confianza".

"Este proxecto facémolo xuntos, e xuntos demostraremos nas urnas o 4-M que Madrid non renuncia ao centro nin á moderación. Tedes a miña palabra: faremos política coa cabeza e o corazón sempre; coas tripas, nunca", asegurou.

¡Gracias a todos los afiliados por tanta confianza!

Este proyecto lo hacemos juntos, y juntos demostraremos en las urnas el 4-M que Madrid no renuncia al centro ni a la moderación. Tenéis mi palabra: haremos política con la cabeza y el corazón siempre; con las tripas, nunca. https://t.co/blB3CR4emF

— Edmundo Bal (@BalEdmundo) March 22, 2021

A líder da formación, Inés Arrimadas, salientou o "apoio masivo" da militancia a Bal demostra a "ilusión" que xera a súa candidatura e aseverou que traballarán para que "o centro e a sensatez sigan formado parte do Goberno rexional".