Vigo e O Porto volven estar unidas por tren.

Case á mesma hora en que o primeiro convoi partía de Vigo, púxose en marcha outro desde O Porto. De momento, este servizo directo que fai tres paradas en Portugal recupérase ao 50%, cunha frecuencia diaria en cada sentido en horario de mañá.

O aumento da súa competitividade depende da modernización da vía, que segue pendente, pero as melloras no servizo elevaron o número de pasaxeiros deste tren un 200% entre 2013 e 2017. Ese ano xa foi utilizado por 100.000 viaxeiros.