Dúas persoas morreron en accidentes de tráfico rexistrados a pasada fin de semana en Galicia.
O 061 tivo que asistir un total de 80 persoas nos 55 accidentes que houbo nas estradas desde o venres ata o domingo. Foi, precisamente, a do domingo, a xornada con máis sinistros, e a provincia da Coruña a que máis incidencias rexistrou. Ademais das ambulancias mobilizadas, o helicóptero medicalizado tivo que realizar dúas saídas.