Películas que veñen contar a historia desde outro lugar. Porque reinterpretar a historia oficial como fan Helena Girón e Samuel Delgado é un acto de compromiso que xa levou un premio no Festival de Venecia antes da súa estrea hoxe en San Sebastián.

'Eles transportan a morte' é a fuxida dos arquetipos partindo deles, é a loita polo abandono da épica nunha viaxe que o cinema sempre imaxinou chea de grandilocuencia.

E nesa filosofía móvese tamén 'No somos nada'. Acudindo ao título dun dos temas do grupo vasco La Polla Récords. Un conxunto musical que comezou na aldea vasca á que emigrara cos seus pais nos anos 60 un rapaz galego, Evaristo Páramos, un filósofo do social.

Contar a historia desde abaixo non pasa de moda.