CRTVG

Buscar

Dous estudantes dun instituto de Santiago son dos mellores expedientes da ABAU

Publicado o 25/06/2021 14:40

Ángela e Javier son dous dos mellores expedientes de Galicia da ABAU cunhas notas por enriba do 13. Unhas cualificacións que se conseguiron con constancia, traballo e moito esforzo tras dous anos complicados en que a pandemia engadiu aínda máis presión a unha etapa complicada. 

A pesar desas dificultades, ambos os dous lograron acadar os seus obxectivos. Ángela ademais tamén se presentou ao Premio Extraordinario de Bacharelato e nos próximos días coñecerá os resultados, mentres acaban de decidir o que queren estudar. 

Din que non hai segredo detrás desas boas notas, senón moitas ganas e teñen claro cal sería o consello para os futuros estudantes de bacharelato. 

E despois de todo ese traballo, teñen por diante un verán para gozar antes de comezar unha nova etapa que agardan con ganas. 

 

Noticias web

25/06/2021

Máis sobre Santiago de Compostela