As dúas persoas en estudo das que informou El Correo estarían ingresadas no hospital de Cruces, en Barakaldo, en Biscaia. Dous pacientes chegados hai pouco de Italia e con síntomas similares aos do Covid-19. As últimas informacións indican que deron negativo na primeira proba, pero que estarían pendentes dun segundo análise como indica o protocolo.

A nova non puido ser contrastada co departamento vasco de Saúde, que explicou que só informa de casos confirmados. O ministro de Sanidade presidiu a reunión comité de seguimento do coronavirus co asunto do brote en Italia sobre a mesa.

O comité recoñece que a situación preocupa pero chama á tranquilidade. O director do centro de Coordinación de Alertas e Emerxencias Sanitarias indicou que van reforzar a prevención.

Fernando Simón, director do Centro de Coordinación de Alertas e Emerxencias Sanitarias: "Máis información aos viaxeiros desas zonas para que se detectan síntomas se relacionen correctamente co noso sistema sanitario e se lles poida detectar, e máis información ao noso sistema asistencial para detectar xente coa clínica adecuada que puiedese estar en contacto con casos sospeitosos nesas zonas de risco".

España no contempla neste momento o peche de fronteiras con Italia.

Fernando Simón., director do Centro de Coordinación de Alertas e Emerxencias Sanitarias: "O control de fronteiras pode ter algún pequeno efecto moi marxinal ao inicio das epidemias, non para evitar que chegue o patóxeno senón como moito para dar uns poucos días máis para prepararte".

Simón explicou que traballan en coordinación co resto de Europa e que este luns van ter unha reunión para debater sobre as zonas de risco e o impacto da situación en Italia.