A décimo primeira proba puntuable para a liga ACT disputouse esta tarde en Rianxo. Primeira bandeira Barbanza-Arousa e primeira vitoria para Donostiarra, que superou a Santurtzi en menos dun segundo. Cabo foi oitava, Ares novena e Tirán décima. Á espera do que aconteza na regata do domingo, Santurtzi mantense na primeira praza da xeral con 117 puntos, oito por riba de Hondarribia. Tirán segue antepenúltima con 36 puntos.
A competición trasládase o domingo a Boiro.