Os contaxios por coronavirus nas escolas infantís e centros de ensino non universitario de Galicia experimentaron unha nova repunta ata situarse nos 867 casos e en 466 o número de centros afectados.

Tamén se incrementaron as aulas confinadas, de 25 a 36, segundo consta no último reconto do Servizo Galego de Saúde, que ademais dá conta dun segundo centro pechado, a escola infantil  Golfiños de Lugo, que se suma ao punto de atención infantil de Boborás.

Só na área sanitaria de Ourense houbo un descenso na cifra de contaxios activos nos centros educativos, ao pasar de 144 a 133, aínda que aumentaron de dous a catro as aulas pechadas.

A área de Vigo pasa a ser a que aglutina máis contaxios activos nos centros educativos, con 187 casos, 36 máis que o sábado, e nove aulas clausuradas.

Séguea a da Coruña con 162 casos, 27 máis, e seis aulas pechadas, tres máis.

Tras Ourense, que ocupa o terceiro posto, figuran Santiago con 137, 20 máis, e cinco aulas pechadas, dúas máis; Pontevedra, con 88 casos, 15 máis, e tres aulas pechadas, unha máis; Lugo, con 80 casos, 21 máis, e seis aulas pechadas; e Ferrol, con 70 casos, 20 máis, e catro aulas pechadas, por ningunha o pasado sábado.