En Italia están a dispararse as vacinacións pola obrigatoriedade do pasaporte covid para os traballadores. En todo o país están aumentando as reservas para recibir a primeira dose da vacina: entre un 20 e un 40 por cento máis que a semana anterior. En Lombardía, a rexión máis poboada de Italia, duplicáronse as solicitudes de vacinación en menos de 24 horas.

A partir do 15 de outubro os traballadores, tanto públicos como privados, deberán presentar o certificado covid. De non telo, poden ser multados con ata 1.500 euros.