A Axencia Galega de Doazón de Órganos e Sangue fai un chamamento para que os cidadáns acudan a doar sangue. Precísase de todos dos grupos, aínda que os que máis escasean son o A positivo e Cero positivo.

As unidades móbiles de doazón de sangue seguen a percorrer as vilas para que sexa máis doado acudir, pero neste tempo de pandemia en que se precisa máis sangue hai que concertar unha cita previa no teléfono 900 100 828. Despois, a Axencia de Doazóns enviará un SMS ao teléfono móbil para comunicar a hora exacta á que teñen que acudir a esas unidades móbiles.

É importante acudir á hora da cita para cumprir as normas de seguridade e distanciamento necesarias neste momento de pandemia por coronavirus.

Normalmente nestas unidades móbiles aténdense ao mesmo tempo ata catro persoas, pero agora só se pode atender dúas.

As unidadades móbiles están cada día desprazadas polas catro provincias galegas:

• Na Coruña, hoxe van estar en Ferrol, Arteixo, Boiro e Padrón.
• Na provincia de Pontevedra, estarán en Porriño.
• Na de Lugo, estarán en Monforte.
• Na de Ourense, estarán dispoñibles no Carballiño.

Con cada doazón realizada estase axudando a tres persoas.