CRTVG

Buscar

Dimite o alcalde de Catoira e suspéndese o pleno da moción de censura

Publicado o 21/05/2020 22:45
Dimite o alcalde de Catoira e suspéndese o pleno da moción de censura

O ata hoxe alcalde de Catoira, Xoán Castaño (BNG), dimitiu este xoves para non ser obstáculo na posible formación dun goberno entre PSdeG e BNG.

Estaba previsto que o Concello de Catoira debatese hoxe nun pleno a moción de censura impulsada por PSOE e PP contra Castaño (BNG), prevista inicialmente para o 17 de marzo, e que se aprazou pola declaración do estado de alarma polo coronavirus.

Con todo, dous concelleiros do PSOE retiraron o seu apoio á moción e como non se cumprían os requisitos para o seu debate non se celebrou o pleno, xa que Iván Caamaño (PP) e Alberto García (PSOE), asinantes da moción, non acudiron e só había 5 edís no pleno.

O acordo entre PP e PSOE no municipio foi desautorizado pola dirección provincial do PP de Pontevedra, mentres que a do PSdeG anunciou a apertura dun expediente ao grupo municipal.