Dezasete novos falecementos elevan a 1.086 o total de vítimas do virus en Galicia
• Seis falecidos estaban internos na residencia de Salvaterra de Miño
• Trasladan pacientes entre hospitais ante o incremento de ingresos
O Sergas notificou o falecemento nas últimas horas en Galicia de 17 persoas que foran diagnosticadas con coronavirus.
Coas novas mortes notificadas, o total de vítimas da pandemia ascende a 1.086.
Os falecidos son unha muller de 96 anos, no hospital da Mariña, que procedía da residencia de San Cibrao en Cervo; unha muller de 90 anos, no HULA; unha muller de 96 anos, no HULA, e outra muller de 89 anos, tamén no HULA, que vivía na residencia San Salvador de Guntín.
Tamén faleceron un home de 70 anos, no CHUF, e unha muller de 98 anos, na residencia Nosa Señora das Virtudes de Pontedeume.
Así mesmo, faleceron un home de 78 anos, no CHUO e unha muller de 91 anos, na residencia Nosa Señora dos Milagres de Barbadás.
Tamén faleceron tres persoas no CHUVI: un home de 91 anos, un home de 86 e unha muller de 87 anos.
Os restantes seis falecidos estaban internos na residencia de Salvaterra de Miño. Eran unha muller de 86 anos, un home de 80, unha muller de 89, unha muller de 96, unha muller de 85 e unha muller de 87 anos.