Esperábanse máis manifestacións, ou alomenos máis numerosas, no terceiro aniversario do referendo ilegal de independencia en Cataluña, por coincidir ademais coa inhabilitación de Quim Torra. O certo é que apenas medio milleiro de persoas acudíu á convocatoria dos CDR; concentráronse diante do Palau da Generalitat, na Praza de San Jaume, en Barcelona, para esixirlles aos partidos que cumpriran o que eles chamaban “o mandato do 1 de outubro”.

Despois desta concentración, un grupo de violentos comezou a queimar contedores no centro da cidade, a berrar consignas contra a policía e a guindarlles ovos, petardos e mesmo barras de ferro. Os Mossos d’Esquadra acabaron cargando contra os manifestantes e detiveron 15 persoas en Barcelona e outra máis en Xirona por feitos similares.