CRTVG

Buscar

Detidos tres narcos violentos que pretendían asentarse en Asturias

Publicado o 09/05/2021 12:35

Axentes da Policía Nacional detiveron en Asturias tres persoas que supostamente integraban un grupo delituoso dedicado ao tráfico de estupefacientes e especializado en roubo de drogas ou cartos a outros distribuidores. A investigación permitiu arrestar tamén dúas mulleres encargadas da loxística do grupo.

Todo se precipitou tras agrediren un veciño de Xixón. A Policía comprobou que alugaron unha vivenda en Olloniego, onde pretendían asentar a súa base para operar en todo o norte de España. Os membros da banda contaban con múltiples antecedentes e caracterizábanse pola súa violencia cando cometían os feitos, con armas de fogo simuladas, armas brancas e agresións físicas.

Tiñan no seu poder unha arma simulada, varios coitelos, grilletes, quilo e medio de haxix, básculas de precisión e uns 4.000 euros en efectivo.

A vivenda alugada cunha reforma recente quedou nun estado deplorable, con danos valorados nuns 8.000 euros.