Drogado, ás 9 e vinte da mañá, e a toda velocidade nun patinete eléctrico por unha céntrica beirarrúa de Vigo. Ese foi o panorama co que se atopou a Policía Local, que detivo un vigués de 42 anos por circular baixo os efectos de substancias tóxicas.

O home foi interceptado na rúa Camelias cando circulaba con claro risco para os peóns. A proba de drogas deu positivo en opiáceos e anfetaminas, polo que os axentes inmobilizaron o patinete e trasladárono ao depósito municipal.