En Lugo detiveron o cliente dunha pensión por ameazar outro cun coitelo. Segundo a denuncia, o presunto agresor botou abaixo a porta do cuarto onde se hospedaba a vítima, abalanzouse sobre ela e amezouna con matalo. Nun momento do forcexo o presunto agresor marchou e volveu cun coitelo da cociña.

O denunciante declarou que lanzara dúas coiteladas ao aire, pero que conseguira esquivalas e que fuxiu, encontrando refuxio nun establecemento que hai a carón da pensión. Dende alí alertou a policía. Cando os axentes chegaron, encontraron a vítima moi asustada e con restos de sangue nas mans.