Roubo de madrugada nun establecemento 24 horas de Lugo. As cámaras de seguridade do local, situado na rúa Montero Ríos, captaron tres individuos a cara descuberta que levaron cartos, cervexa e chocolate.

Minutos máis tarde foron localizados e identificados por unha patrulla da Policía Nacional á altura da rúa Monforte. Todos son maiores de idade e de nacionalidade española.

A policía investiga agora se poden estar relacionados con outros roubos cometidos na cidade das Murallas nestas últimas semanas.