Miguel Martínez Campos foi detido a primeira hora desta mañá no barrio ourensán do Vinteún. A Garda Civil pensa que foi o autor do tiroteo a un brigadista no 2008.

Regresaba a casa de madrugada cando atopou unha emboscada nesta estrada de Xunqueira de Ambía. Recibiu varios disparos graves pero conseguiu sobrevivir. A TVG recollía esta testemuña o día dos feitos.

Os investigadores atoparon doce anos despois novas probas que apuntan de novo a Miguel Martínez, que daquela era compañeiro de traballo da vítima, como autor de homicidio en grao de tentativa.

É a terceira vez que o deteñen. As dúas anteriores como sospeitoso do asasinato dos seus pais en Taboadela, no ano 2009.

Os corpos de María Teresa Campos, de 63 anos, e José Martínez, de 65 anos, apareceron na súa casa de Amendo con varios tiros.

Un dobre crime que conmocionou a esta aldea e que segue sen resolver.

O fillo varón do matrimonio foi o único sospeitoso dos asasinatos. Pero a falta de probas, nunca se atopou a arma homicida, fixo que a Audiencia Provincial arquivara o caso.

A Garda Civil agarda atopar agora tamén novas probas que esclarezan este crime.