É a primeira vez que o centro rexistra casos entre os residentes. Ata o de agora os internos libraranse da covid, aínda que si se dera algún contaxio entre os traballadores. É o xeriátrico público máis grande da provincia, con 180 residentes.

O gromo detectouse ao ingresar un dos residentes no hospital. Activouse o protocolo e fíxose un cribado do que saíron eses 49 contaxios. A maioría dos contaxiados están ben, sen síntomas ou con síntomas leves. Cos datos actuais é o centro de maiores con máis infectados de Galicia.