A área Sanitaria de Ourense, Verín e O Barco detectou un novo gromo de "orixe social" con cinco casos no Barco de Valdeorras, un deles dun menor, e entre os que se inclúe un home hospitalizado. Segundo informou esta área sanitaria, este gromo do Barco con cinco casos positivos afecta unha muller de 54 anos, tres homes de 52, 26 e 49 anos -este último ingresado no Hospital Público de Valdeorras- e un menor.

Por outra banda, ascende a nove casos o gromo detectado o luns de orixe social e familiar en Ourense, con seis mulleres contaxiadas -de 43, 47, 35, 59, 62 e 94 anos-, un home de 46 anos e un menor, ao sumar unha muller de 55 anos, indicaron as mesmas fontes.

Pola súa banda, sobe a sete casos o gromo tamén de orixe social e familiar detectado en Ourense -con tres homes de 54 (dous homes) e 55 anos e dúas mulleres de 34 e 51- ao sumar dous novos vinculados que corresponden a un mozo de 36 anos e un menor.