CRTVG

Buscar

Detectado un foco de covid-19 nunha granxa de visóns en Abegondo

Publicado o 13/08/2021 16:50

• Con este, xa son 11 os gromos detectados en granxas de visóns en Galicia

Detectado un foco de covid-19 nunha granxa de visóns en Abegondo
EFE

A Consellería do Medio Rural notificou este venres ao Ministerio de Agricultura, Pesca e Alimentación a existencia dun foco de coronavirus nunha granxa de visóns americanos situada no municipio coruñés de Abegondo, informa o departamento autonómico.

Nesta explotación, que conta con 8.760 visóns, detectáronse tres mostras positivas. Con este, xa son once os brotes de covid-19 detectados ata o momento en granxas de visóns americanos de Galicia, onde hai 25 explotacións deste tipo.

A detección realizouse no marco das actuacións levadas a cabo por Medio Rural desde o ano pasado ao amparo do Programa de prevención, vixilancia e control de SARS-CoV-2 en granxas de visóns americanos en España, elaborado polo ministerio que dirixe Luís Planas.

En aplicación do citado programa, indica a Consellería, a granxa foi inmobilizada "de inmediato" e procederase a continuar a vixilancia e control por parte dos servizos veterinarios.

Noticias web

13/08/2021