Vilagarcía contará cun novo centro de saúde, nos terreos da Comandancia Militar. O alcalde fala de día histórico xa que era unha demanda na vila dende hai anos. Desbloqueouse o proxecto grazas á colaboración das tres administracións: concello, Xunta e Autoridade Portuaria.

O novo centro de Saúde vai superar os 5.000 metros cadrados e ampliará as consultas en case todas as especialidades respecto ao ambulatorio actual.