En só tres segundos podemos enviar cartos sen que, en moitos casos, nos pidan un pin. Bizum é a aplicación de moda e conta xa con 14 millóns de usuarios, un branco moi apetecible para os delincuentes. Na Rioxa denunciáronse xa os primeiros calotes. Un deles, enganando un vendedor de coches.

Outro calote: falsas ofertas de compañías telefónicas nas que solicitan as vítimas contas bancarias que asocian a Bizum. Semella complicado, pero non tanto se non tomamos precaucións.

O mellor para evitar sustos é mirar que o sitio sexa seguro e non pidan tarxeta. E aínda así, hai quen non se libra.

O calote máis repetido nos últimos tempos é este. Mensaxes SMS de falsas empresas de paquetería, que o único que nos pode traer son virus ou cargos ilegais nas nosas tarxetas bancarias.