O Servizo Público de Emprego, o SEPE, vai despedir preto de 1.500 traballadores interinos. Representan máis do dezasete por cento do cadro de persoal. Estes empregados contratáronse para reforzar as oficinas de emprego durante a pandemia. Un milleiro deles cesarán de aquí a setembro. E outros cincocentos a finais de decembro.

O sindicato de funcionarios CSFIC denuncia que a xestión das prestacións de desemprego pode verse comprometida, porque haberá moitos funcionarios de vacacións cando os interinos xa non traballen.